Прыкладнае планаванне ўрокаў беларускай мовы і літаратуры падрыхтавана ў адпаведнасці з зацверджанымі Міністэрствам адукацыі праграмамі і падручнікамі для 4—5 класаў 12-гадовай агульнаадукацыйнай школы з беларускай мовай навучання. У ім рэалізаваны патрабаванні «Канцэпцыі моўнай і літаратурнай адукацыі ў Рэспубліцы Беларусь» і стандарту па прадмету. Планаванне па літаратуры прапануецца ў 2-х варыянтах. Настаўнік сам вырашае, які варыянт выкарыстоўваць, а таксама ён можа ўносіць карэктывы з улікам рэальных магчымасцей кожнага класа, паколькі планаванне мае рэкамендацыйны характар і не павінна скоўваць творчую ініцыятыву педагога або абмяжоўваць яго вопыт.