Дапаможнік падрыхтаваны ў адпаведнасці з праграмай па беларускай мове для школ з рускай мовай навучання і дапаўняе падручнік «Беларуская мова. 7 клас» (аўтары Г. М. Малажай, Н. М. Чалюк). Матэрыял размешчаны ў адпаведнасці з паслядоўнасцю тэм падручніка і з’яўляецца карысным дадаткам для паспяховага авалодання беларускай мовай. Заданні і практыкаванні прапануюцца розных узроўняў складанасці, маюць творчы характар, развіваюць здольнасці вучняў. Яны дапамогуць праверыць і замацаваць набытыя веды непасрэдна на ўроку ці самастойна.

Рэкамендуецца вучням 7 класа агульнаадукацыйнай школы з рускай мовай навучання.

Рэкамендавана Навукова-метадычнай установай «Нацыянальны інстытут адукацыі» Міністэрства адукацыі Рэспублікі Беларусь

Рэцэнзенты:
• кандыдат філалагічных навук, прафесар кафедры гісторыі беларускай мовы Беларускага дзяржаўнага універсітэта В. П. Красней
• настаўнік беларускай мовы і літаратуры вышэйшай катэгорыі СШ № 98 г. Мінска З.  П. Бацькава