Дапаможнік арыентуе на сур’ёзную падрыхтоўку да алімпіяд любога тура. Аўтары кнігі, маючы значны вопыт арганізацыі абласных і рэспубліканскіх алімпіяд, не толькі акрэслілі заданні па асобных раздзелах беларускай мовы, але і далі на іх падрабязныя адказы. Зроблена гэта дзеля таго, каб настаўнікі маглі мэтанакіравана рыхтаваць удзельнікаў такіх інтэлектуальных спаборніцтваў. Заданні і тэксты, безумоўна, можна выкарыстаць і для паглыблення ведаў вучняў на звычайных уроках, факультатыўных занятках, пасяджэннях гурткоў, пры падрыхтоўцы да алімпіяд, якія цяпер праводзяць сярэднія спецыяльныя і вышэйшыя навучальныя ўстановы перад уступнымі экзаменамі.

Рэкамендавана ўстановай «Навукова-метадычны цэнтр вучэбнай кнігі і сродкаў навучання» Мiнiстэрства адукацыi Рэспублiкi Беларусь