Сшытак складзены ў адпаведнасці з праграмай па прадмеце і з’яўляецца неад’емнай часткай вучэбна-метадычнага комплексу, што забяспечвае вывучэнне фізікі ў школе. Дапаможнік складаецца з дзвюх частак. У першай прадстаўлены пералік і алгарытм лабараторных работ. Алгарытм прадугледжвае вымярэнні і вылічэнні фізічных велічынь, пабудову графікаў, уменне рабіць самастойныя вывады, даваць абгрунтаваныя адказы на кантрольныя пытанні. Другая частка сшытка змяшчае эксперыментальныя даследаванні, якія павінны быць выкананы ў асноўным самастойна. Выкарыстанне сшытка скарачае і аблягчае работу вучня і настаўніка пры афармленні і праверцы работы, вызваляе час для выканання творчых заданняў.

Рэкамендуецца вучням 10-га класа агульнаадукацыйных устаноў.

Рэкамендавана Навукова-метадычнай установай «Нацыянальны iнстытут адукацыi» Мiнiстэрства адукацыi Рэспублiкi Беларусь

Рэцэнзенты:
• кандыдат педагагічных навук, загадчык кафедры методыкі выкладання фізікі і астраноміі Віцебскага дзяржаўнага універсітэта імя П. М. Машэрава І. В. Галуза
• кандыдат фізіка-матэматычных навук, настаўнік фізікі гімназіі № 5 г. Мінска У. І. Анцулевіч
• старшыня Рэспубліканскай тэрміналагічнай камісіі пры НАН Беларусі, член-карэспандэнт НАН Беларусі, доктар філалагічных навук, прафесар А. М. Булыка