Сшытак складзены ў адпаведнасцi з праграмай па прадмеце i з’яўляецца неад’емнай часткай вучэбна-метадычнага комплексу, якi забяспечвае вывучэнне фiзiкi ў школе. Дапаможнік складаецца з дзвюх частак. У першай прадстаўлены пералік і алгарытм лабараторных работ. Алгарытм прадугледжвае вымярэнні і вылічэнні фізічных велічынь, пабудову графікаў, уменне рабіць самастойныя вывады, даваць абгрунтаваныя адказы на кантрольныя пытанні. Другая частка сшытка змяшчае эксперыментальныя даследаванні, якія павінны выконвацца ў асноўным самастойна. Выкарыстанне сшытка скарачае i аблягчае працу вучня i настаўнiка пры афармленнi i праверцы работы, вызваляе час для выканання творчых заданняў.

Рэкамендуецца вучням 9-га класа агульнаадукацыйных устаноў з 12-гадовым тэрмінам навучання.

Рэкамендавана Навукова-метадычнай установай «Нацыянальны інстытут адукацыі» Міністэрства адукацыі Рэспублікі Беларусь

Рэцэнзенты:
• дэкан фізічнага факультэта, заг. кафедры методыкі выкладання фізікі і астраноміі Віцебскага дзяржаўнага універсітэта імя П. М. Машэрава, кандыдат педагагічных навук І. В. Галуза
• настаўнік фізікі вышэйшай катэгорыі ліцэя № 1 г. Мінска Н. А. Полудзеткіна
• старшыня Рэспубліканскай тэрміналагічнай камісіі пры НАН Беларусі, доктар філалагічных навук, прафесар А. М. Булыка